﷽
هذه تجربة شخصيه للاخ العزيز ( abo_hmood@ ) والذي يستحق بجداره لقب المتخصص في الحلو .
المزيد من المعلومات عن الموقع وطريقة التسجيل فيه والطلب تجدونها في هذا الموضوع
تجربتي الشخصية في شراء حلويات من موقع فرنسي
اولا حبيت أشكر صاحب هذه المدونه اللي انا أستفدت من الكثير وأستفدت من تجارب الناس اللي تحط تجاربها في هذه المدونه. .
اولا بعد ماقريت تجارب اللي سبقوني في الشراء وأنا مثل غيري مبهر في كل تجربه جديده حبيت اجرب توكلت على الله وقلت التجربه خير برهان
) وفاز بالحلويات كل مغامر )
وخاصه إن شعار الموقع ( خالي من الكحول وخالي من المواد الحافظة وخالي من شحوم الخنزير ) اللي مأسس الموقع زوجين فرنسيين سنة 1999 كان توصيلهم لفرنسا فقط والأن يوصلون إلى 255 دوله بمافيهم دول الخليج. …
الموقع فيه اصناف عديده وحق اغلب المناسبات السعيدة من شعارات وتكتب اللي تبيه من إهداء وصناديق ذربه وغيرة من الحركات اللي عند بياعين الحلو. .
في الموقع العديد من الاصناف اللي ترضي جميع الاذواق تقدر تختار صحن حلو بشكل واحد او مختلفه على ذوقهم. ..
وبما ان الخليحي دايما فضولي ويحب يجرب كل شي انا قلت بنوع وقمت اختار عشوائي شريت صحن واحد فيه 15 قطعه متنوعه طبعا الصحن اللي فيه 15 قطعه 9.5 دينار تقريبا وبما اني انا اخترت على ذوقي زادوا 1.25 تقريبا
15 سعرها 9.5 اذا اخذت على ذوقهم و1.25 تققريبا لأنك انت اللي مختار
المجموع 11.75 دينار
الشحن مع DHL تختار التاريخ اللي انت تبيه طبعا بس قبلها بثلاث ايام تقريبا. . انا طلبت بتاريخ 26 ابريل بالليل متأخر لذلك اقرب موعد 30 ابريل. ..
طبعا حطيت عليه ولما تختار اليوم يكون عندك ثلاث اوقات
التوصيل قبل الساعه 6 المغرب 4.5 دينار
قبل الظهر 6.5 دينار
قبل الساعه 9 صباحا تقريبا 9.5 دينار
أنا اخترت قبل المغرب ماتفرق معاي لكن الحلو انهم جابوها للبيت الساعه 9 الصبح. .وخذو دينارين رسوم اجمارك. …
بعد ماشريت وخلصت ودفعت ثاني يوم دزوا لي بالبريد يقولون بما انك ساكن المنطقه الفلانيه بالكويت درجه الحراره عندكم مرتفعه لذلك بنشحنها ونغلفها تغليف حراري ويحطون بالكرتون شغلات تحافظ على درجة حرارة الحلو. وطبعا قالو الشغله هذه خدمة مجانيه بدون رسوم اضافيه. .
كانوا يباشروني بالبريد اول بأول .. الشحنه طلعت من فرنسا الشحن بالكويت الشحنه خارجه للتسليم اول بأول وحريصين على ذلك. ..
التقيييم النهائي عن الموقع والشحن والتغليف :
الموقع سهل وحلو رالحلويات طعمها جدا حلو فيه منها كم حده ماعجبتني والناس اذواق. ..
سعر الحلو غالي نسبيا بالنسبة ل 15 قطعه يعني الحبه تقريبا 650 فلس
وطبعا احنا عارفين طبيعه الاسعار في اوروبا. ..
الكرتون صغيير نسبيا يعني اذا بتطلبه نفس اللي انا طلبه مايصلح تقدمه في زوارة مثلا إلا اذا طلعت الحلو وحطيتهم في صحنك الخاص. ..
الشحن جدا ممتاز والتغليف الحراري فوق الممتاز والتوقيت دقيق جدا يوصلك قبل الوقت المتوقع. ..
بالنهايه يمكن اطلبه في وقت لاحق لشخص عزيز وبكمية أكثر طبعا .. بس عشان يتشيحط عند اللي حوله ويقول هذا الحلو جايني هديه من فرنسا. ..
والتجربه حلوه وأكيد لما تتفرج على الموقع يمكن تكتشف شغلات كانت غايبه عني. …
ارجو اني وفيت في التقرير ونبي منكم الدعاء. …
بالعافيه عليك
ياخي احسه غالي بمقوه غير ان حجمه صغيييير