هذه تجربة شخصية للاخ: عبدالله الغفيلي
السلام عليكم ورحمه الله وبركاته
أول شي حاب إني اشكر اخوي فيصل لاتاحته الفرصة لي للكتابة في هذه المدونة المفيدة
الموضوع مثل ما هو واضح تلف شحنه بسبب اراميكس والتعويض مبلغ الشحنة ومبلغ الشحن
طلبت في تاريخ 2012/13/12 طلبيه من تومس وهذي فاتوره الطلب:
والشحن إلي عنواني في اراميكس
وفي تاريخ 19 / 12 / 2012تم استلام شحنتي من تومس
ومثل ما هو واضح في الصوره وصلت الشحنه إلى دبي بتاريخ 24 /12 /2012
ووصلت للرياض بعدها بيوم واحد وهنا بدأت المشكله
حيث إنني متعود اذا وصلت للرياض تحتاج يوم واحد لتصلني في القصيم
لكن هذه المره غير ، حيث جلست في الرياض قرابه الخمس ايام لم تتحرك
وبعدها اتصلت على رقم العملاء وطلبت منهم تسليم الشحنه لأخي في الرياض
و ارسلوا الشحنه الى مخرج ١٦ مثل ما طلبت .
راح أخوي لفرع اراميكس واتفاجا ان الشحنه تالفه ومليانه ماء فوصيته ما يستلم الشحنه
ومن غد راجعتهم في فرعهم بالرياض مخرج ٥ وقابلني الموظف وابلغني ان سوف يتم تعويض الشحنه ووصاني بمراسه ايميل اراميكس لخدمه العملاء [email protected]
راسلتهم على الايميل وضحت لهم اني اطلب التعويض كامل عن قيمه الشحنه ومبلغ الشحن لاني دافعه بالفيرا ردوا علي انهم راح يتابعون معي الموضوع
وبعد كم يوم اتصل علي الموظف وابلغني ان الشحنه مو تالفه لكن الكراتين مليانه ماء رديت عليه ارسلي الصوره ويصير خير
ارسل الصوره ورفضت استلامها للاسباب التاليه:
اولا ان القطع الي طالبها انا ٦ وفي الصوره ٤ فقط
ثانيا ما اخبروني اراميكس بالمشكله الا بعد ما وصلت الشحنه للرياض باسبوع واخذت وقتها هناك
وثالثا والاهم اني طلبت نفس القطع لاني كنت محتاجها في اسرع وقت
بعد كم يوم اتصل علي رائد المجحد (مدير خدمه العملاء في الرياض ) وابلغني انه راح يشوف موضوعي في اقرب وقت
في يوم ١٢ يناير أرسل لي الاخ رائد انه تم الموافقه على استرجاع الملبغ رديت عليه وقلت لا تنسى مبلغ الشحن لاني دافعه بالفيزا وبعد دقائق جاني اتصال من الاخ رائد يقول أنا وعدتك ارجع مبلغ الفاتوره لكن الشحن مالي دخل هنا قفلت معي بمعنى الكلمه
استمرت مكالتي مع الاخ رائد حدود النصف ساعه وبصراحه كان أغلب الوقت تذمر من قبلي على خدمتهم في الأخير قال بشوف الي اقدر عليه وبعد ما قفلت بعشر دقايق جتني رساله على الايميل انه تم الموافقه على اضافه مبلغ الشحن
وفي يوم ١٣ يناير اتصل على موظف اراميكس وقال عندك مبلغ تعويض ورحت استلمته ووقعت المبلغ كامل ١٤٥٥ ريال
في الاخير تم الاشتراك في خدمه Myus وافتكينا من اراميكس وصداع راسي معاهم
بالنسبه للتقييم :
خدمه عملاء اراميكس : ٤ من ١٠
وقت حل المشكله : ٠ من ١٠
الاخ رائد : ٦ من ١٠ ( بسبب اخر مكالمه بيني وبينه )
بعض النصائح لمن تحصل له مشكله نفس مشكلتي
* لا تتنازل عن حقك وحاول تتواصل معاهم بشكل يومي
* مهما حاولو يصرفون ويحطون الخطا عليك طالب بحقك
اخير اشكر الاخ فيصل ما قصر كان معاي بتفاصيل كل المشكله يعطيه الف عافيه والله يجزاه خير ، ولمن لديه اية استفسار يمكنك ذلك في قسم التعليقات في الاسفل.
أخوكم عبدالله الغفيلي
