جديد المواضيع

شراء عطور وشحنها للكويت

As an Amazon Associate this site earns from qualifying purchases

هذه المشاركة هي خاصة بالاخ العزيز م. فهد ( @abo_hmood ) فشكرا له علي مشاركته لنا بهذه التجربه .
السلام عليكم وحمة الله وبركاتة. …
أولا حبيت أشكر صاحب هذه المدونة اللي بصراحة أسفدت من الكثير. .
أنا طبعاً صارلي كم سنه اشتري من النت بس معلوماتي كانت محدودة وعلى قدي و من ضفته بالتويتر وأنا كل يوم أستفيد منه الشئ الكثير وتزيد معلوماتي بشكل ممتاز. . طبعا اللي عرفني عليه زميلي وصديقي أسامه. ..
المهم بعد ما قريت موضوع حطه لنا arabshop عن موقع fragrancex.com للعطور وقريت تجارب اللي قبلي قررت أشتري كم عطر وأشوف
وطبعا قبلها رحت لمحل دبنهامز بالكويت وجسيت النبض وشفتلي كم عطر عجبني مع العطور اللي انا دايم اشتريهم قررت ورسيت على 6 عطور. …
ولما دشيت الموقع وشفت الفرق بالاسعار كبيير جدا بس كان التخوف كبير مثلي مثل غيري  من ان يكون الموقع يبيع بضاعه مو أصلية. ..
المهم قلت ( فاز بالخصومات من كان جسورا ) على وزن اللذات. ..
دشيت الموقع وحدت العطور وطبعا كان التسوق سهل. ..
وعشان تعرف الفرق بالسعر عطر فرهنهايت بالكويت سعرة 100 ملي تقريبا 33 دينار في دبنهامز أنا لقيته بالموقع 200 ملي سعرة 32 دينار
وعطر بوس الكحلي سعرة في دبنهامز 100 ملي. . 28 دينار
بالموقع 200 ملي لقيته 20 دينار
ولكوست الاسود في دبنامز اعتقد 100 ملي 28 دينار
بالموقع 100 ملي لقيته 12 دينار تقريبا. .وقيس على هذا. المهم شريت 6 عطور المجموع كان 396 دولار وحطيت كود الخصم 15 بالمية خصم لي 60 دولار
والشحن الدولي مع شركة DHL ..
20  دولار الشحن طبعا من 7 إلى 12 يوم
فيه اسرع بس طبعا يكون أسرع بالتوصيل بالمبلغ
المجموع مع الشحن الدولي 357 دولار
بالعمله الكويتيه 107 دينار ( ملاحظة عطر فرنهايت وبوس 200 ملي )
صور للعطور
شحنت بتاريخ 23 ابريل من امريكا إلى المانيا إلى البحرين ووصلت الكويت 27 ابريل … دقيت على الdhl قلت انا بخلصها بنفسي قالت الحين هي عند الصحه اللي بالمطار وقلت دزلي بالايميل ورقة الجمارك فعلا دزها لي وسويت لها برنت ورحت للصحه اللي بالمطار وللعلم يصكرون الساعه 1 الظهر  ….وسئلته كم عطر مسموح لي قال هالحراوي … وعقب لازم اروح لشركة dhl اللي بالعارضيه عشان يسويلي بيان اني بخلصها بنفسي ودفعت 5 دنانير وعقب توجهت للجمارك بالمطار  قالي كم واحد قلت 6 مختلفات العطور واستعمال شخصي وقع عليها وعقب دفعت 19.5 دينار لشركة ناس قلت ليش قال لأن العطور تتخزن في مكان خاص تعتبر مواد قابلة للأشتعال .. وعقب دفعت 6.5 جمارك والبنك التجاري ياخذ دينارين المجوع 8.5 دينار. ..وتخليص جمركي دينار. . وعقب بالنهايه دفعت 3.5 دينار نسيت حق شنو. .
خط سير الشحنه
المجموع اللي طلع علي بالتخليص الجمركي 34.5 دينار
يعني المجموع العطور والتخليص 141.5 دينار
وطبعا لو اشتريهن من الكويت بتطلع اكثر من 240 دينار ويمكن اكثر. ..
بالنهايه التقييم :
العطور : الريحه نفسها وفواحه وماتصدع الراس ومدة الثبات زينه والاسعار ممتازة والموقع سهل وهو يضمن انها اصليه. .
التوصيل : الشحن ممتاز والسرعه ممتازه وطبعا DHL هي تخلصك من هالخرابيط هذه كلها وتوصلها للبيت بس انا حبيت استفيد واخذ خبره واستفسر بالمعلومات اللي خبرتكم فيها. . واعتقد لو أن الشركه هي اللي مخلصه الموضوع يمكن يطلع اوفر بالنسبه للجمارك. ..
بالنهايه اذا احد بيطلب عطر واحد بس او عطرين اذا كان راح يدفع في التخليص الجمركي نفس هالمبلغ اكيد ماراح يستفيد من اختلاف الاسعار أما اذا بيشتري خمس وعطور وحول اكيد راح يفرق كثيييييير. ..
الشحنه كامله من العطور
أرجو أني بيّنت كل شي وتستفيدون من تجربتي. ..
نبي منكم الدعاء. ..
﷽ As an Amazon Associate this site earns from qualifying purchases السلام عليكم وحمة الله وبركاتة. ... أولا حبيت أشكر صاحب هذه المدونة اللي بصراحة أسفدت من الكثير. . أنا طبعاً صارلي كم سنه اشتري من النت بس معلوماتي كانت محدودة وعلى قدي و من ضفته بالتويتر وأنا كل يوم أستفيد منه الشئ الكثير وتزيد معلوماتي بشكل ممتاز. . طبعا اللي عرفني عليه زميلي وصديقي أسامه. .. Get $10 off $100 order at FragranceX.com, use code 535FRGX at checkout! المهم بعد ما قريت موضوع حطه لنا arabshop عن موقع fragrancex.com للعطور وقريت تجارب اللي قبلي قررت أشتري كم عطر وأشوف وطبعا قبلها رحت…

0%

تقييم المستخدمون: 4.66 ( 4 أصوات)

عن Arab Shop

متخصص في التسوق من النت منذ اكثر من 10 سنوات ، احاول ان انقل هذه التجربة للجميع واسعى لتعليم الناس الشراء من النت بانفسهم دون الاعتماد على الغير... اسعى لنقل اخطائي للغير كي لا يقعوا فيها ..

شاهد أيضاً

البرايم وايام البرايم المميزه لمواقع امازون …

As an Amazon Associate this site earns from qualifying purchases بسم الله الرحمن الرحيم س …

8 تعليقات

  1. يعطيك العافيه علي المشاركة
    وتتعطر فيهم بالعافيه
    إن شاء الله

  2. تسلم ياالغالي على هذا الموقع
    بصراحة راح اشتري لي كم عطر من هذا الموقع ..

  3. الحمد لله لقد تم تحديد عدد من العطور
    هل الافضل شحنها مباشرة الى السعودية
    وموقع fragrancex يشحنها باي شركة شحن
    او ارسلها الى حسابي في myus

  4. يعطيك العافيه وما قصرت بس ياليت اللي يبي يشري يتاكد من امازون قبل لا يطلب
    انا لاحظت فيه فرق بينه وبين امازون تقريبا ١٥$ امازون ارخص

  5. السلام عليكم

    اخي الكريم سؤالي بخصوص تركيز العطور
    وكنت قد وجدت هذا الجدول في النت
    https://pbs.twimg.com/media/CkcTq6MXIAE3G1a.jpg
    ما رأيك فيه؟
    وهل العطور الشتراه تصل إلى درجة برفيوم ؟

اترك تعليقاً

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

Translate »