﷽
.. تجربة موقع gucci الامريكي ..
من فتره كنت أفكر أجرب موقعهم الرسمي بس المشكله كانت بعدم قبول الفيزا اما الشحن كانت الحل ارامكس بما انهم ما يشحنون لبره امريكا و لقيت كذا تجربه بالنت كانت بتوحيد العنوانين الفاتوره و الشحن على ارامكس و نجحت الطريقه و فكرت اجربها بشيء بسيط و كان نصيبي اني لقيت تعديل بقبول الفيزا العالميه و الباي بال ..
فكانت التجربه الهدف الأساسي منها تجربة الموقع و كان الاختيار على خاتم ب ٢٠٠ دولار و الشحن كان العادي بلاش عن طريق الفيديكس و التاكس ١٧ دولار و الدفع كان عن طريق الباي بال ..
وهذي السلعه
كان ودي أجرب الموقع الايطالي بما انها ماركه ايطاليه بس كانت المشكله باللغه و لاحظت في تفاوت بالأسعار بين الموقعين شي الفارق بسيط و شي الفارق الكبير و بصراحه ما بحثت بالنت عن الخاتم بمواقع ثانيه عشان اشوف فرقية السعر ..
الطلب الأحد وسحب الفلوس و الشحن الأثنين وصل للصندوق الثلاثاء و وصلني السبت معن ارامكس كاتبين الوصول الثلاثاء عن طريق تتبع الشحنه بتطبيقهم و حسابهم ٧ دنانير و ربع .
للأسف ما صورت العلبه كانت بحجم علب الأحذيه بس ارفع و أقصر فيها الجياس الهوائيه و ماخذه بالارضيه و الجهات الاربع يعني ماخذه ثلاث ارباع العلبه و بالوسط كانت علبة الخاتم .
معاه ظرف فيه الفاتوره و ورقه لسياسة الاسترجاع و تختلف من منتج لثاني و حتى منتجات التخفيضات و الهدايا أما تغليف الهدايا فما يحتاي انكم تختارون لأن لهم تغليفهم الرسمي ..
اتمنى أكون أفدتكم ..
دمتم بطاعه
الله يعطيك العافيه علي هذه المساهمه
الله يعافيك
ملبوس العافيه يارب وتتهني فيه والصراحه نبي مثل هالتجارب اللي فيها نسبة خطورة!
الله يعافيك .
اسناذنا ممكن رابط الطلب
لاني حاولت اكثر من مره وماقدرت اطلب
والف شكر لك
الموضوع ليس لي ولكن هذا هو رابط الموقع
https://www.gucci.com/us/en/