السلام عليكم
هذا اول موضوع لي بالمدونه واشكر صاحبها على اتاحه الفرصه لكتابه تجربتي
عندي اشتراك مع اراميكس شوب اند شيب و لاحظت اني مو مستفيده شي منه لانه مايجمع شحنات وانا بحكم عملي احتاج خدمه التجميع
فقلت اجرب مواقع جديده غير امريكا وبريطانيا واحلل هالبريد
من خلال بحثي بالمدونه لقيت مواقع تركيه كثير اخترت واحد اللي هو
بس للاسف مافي تجارب ابد شفت الموقع اقدر ادفع بال paypal قلت اجرب
بالبدايه تروحون عالتسجيل (اسهل لكم استخدمو ترجمه google )
بعد التسجيل ترجعون للصفحه الاولى
شوفو رقم ١ بالصوره بعد ماتضغطون عالاسم
بتطلع لكم صفحه تلاقون خيارات عاليسار
من ضمنها العنوان (رقم ٢)
بتطلع لكم هذي الصفحه انا كاتبه عنواني قبل
اضافه عنوان
بتطلع لكم صفحه تكتبون عنوانكم مثل ماهو في شوب اند شيب
(العنوان التركي )
ملاحظه :
في اشياء اكتبوها مثل ماانا كاتبها
١- العنوان > شوب اند شيب او اراميكس
٢-اسمك مثل ماانت كاتبه في عنوانك شوب اند شيب
٣- المدينه والمنطقه حسب عنوانك في شوب اند شيب
٤- العنوان بالضبط الي مكتوب في شوب اند شيب
address line 1+2
ضروري كتابه رقمك الي بدايته RUH بالعنوان
5- الارقام الموقع يجبرك تكمل الرقم وبدايته 5
اكتبو مثل ماانا كاتبه
6-الي بعد الرقم كله مثل ماانا كاتبته
ــــــــــــــــــــــ
بكذا نكون خلصنا العنوان ونجي لشرح الموقع
الموقع مثل امازون تجمع لااكثر من تاجر ولكل تاجر تقيممه
(بالاول ماكنت اعرف واكتشفت هالشي بعد الشحن )
طلبت بالاول من
متجر سوبر ماركت
فصفص (حب)دوار الشمس الابيض
http://urun.n11.com/kuru-yemis/peyman-citliyo-ala-aycekirdegi-daha-tuzlu-156-gr-P45766628
وركوه كهربائيه
http://urun.n11.com/kahve-ve-espresso-makineleri/sinbo-scm-2928-elektrikli-cezve-P42103886
ومن متجر ثاني اسمه
KahveDunyasi
قهوه تركيه غامقه 100 جرام
http://urun.n11.com/kahve/cok-kavrulmus-turk-kahvesi-100gr-P59502065
قهوه تركيه بالمستكه 100 جرام
http://urun.n11.com/kahve/damla-sakizli-turk-kahvesi-100gr-P59502304
شكولاته بالتيراميسو 100 جرام
http://urun.n11.com/hediyelik-cikolata/tiramisu-aromali-draje-100gr-P59502168
*قيمه الطلب 71 ريال
*الدفع عن طريق الباي بال
*تم الطلب بتاريخ 2/9/2015
*وصلت لبريدي التركي بتاريخ 8/9/2015
*وصلت للقصيم تاريخ 16/9/2015
(( عذرا بتويتر غلطت بحساب الايام ))
*استلمتها بتاريخ 22/9/2015 بسبب مماطله وكذب اراميكس كل يوم اتصل فيهم يقولون بكرا بنوصلها لما فقدت الامل منهم ارسلت اخوي يستلمها قالو مو عندنا بالفرع بالمخزن ومانقدر نجيبها ارجعو كلمونا قبل بيوم ونجيبها للفرع وتستلمونها كلمتهم امس قلت برسل احد ياخذها قالو خلاص بنجيبها للفرع راح اخوي للفرع ماجابوها عطوه عنوان مخزنهم وراح يجييبها مع ان هذي شغلتهم ( الفرع في بريده وانا ساكنه بعيد حوالي الساعه او اقل شوي )
طبعا وصلتني للبيت كرتونين
الاول من متجر سوبر ماركت وكان قيمه شحنه 50 ريال
الثاني من متجر القهوه وكان قيمه الشحن 34 ريال
طبعا اراميكس ماقصرو شوفو الكراتين كيف تحتضر
القهوه حاطينها بفلين
الركوه والفصفص بهذا الكرتون
الركوه وصلتني متفككه حالتها حاله فكيتها ورجعت ركبتها مره ثانيه غير كرتوها الي طالعه روحه
الشكولاته وصلت ذايبه والعلبه مكسوره من فوق ماقدرت اتهور واجربها ( اللي بيطلب شكولاته ينتظر للشتاء)
اخيرا الطلب هذا كان تجربه مثل ماقلت تقييمي للموقع حلو بس لو فيه تجميع شحنات
جربت القهوه حلووه للي يحبون القهوه التركيه بالذات الي بالمستكه
الركوه جممممميله وفيه ماركات كثير منها تيفال ماانصح بالي اشتريتها لان قاعدتها ماتنفك صعب التنظيف وبلاستك بس سررريعه 10 ثواني وقهوتي جاهزه برغوتها
الركوه حجمها كبير توقعتها اصغر مدري اذا فيه احجام او لا الكهرب 220V
الشكولاته كنت برميها بس اختي اخذتها تقول بجرب ( اللهم اني بلغت ) علمتها ان العلبه مكسوره بس اكلت وعجبتها
الفصفص ( الحب ) جميييل وفيه نوع بدون ملح
وبسس هذا كل شي طولت عليكم
ان شاء الله بجرب مواقع تركيه ثانيه واكتب لكم عنها بس قولو ل اراميكس يتعدلون
Shahad Alshaya
بسم الله الرحمن الرحيم
الصراحه تجربه رائعه وغنيه بالمعلومات
ماشاء الله عليك علي هالتجربه اللي حتي حب الفصفص اشتريتيه من تركيا .
الصراحه تستاهلين ٥ نجوم تقييم علي هالتجربه والمعلومات